Risibí aki un invitashon pa partisipá na Konferensha Identidat Kolektivo komo base pa desaroyo duradero i sostenibel na luna di novèmber.
KONFERENSHA Identidat kolektivo komo base pa desaroyo duradero i sostenibel.
11+ 12 i 13 di novèmber 2011
International School, Emmastad
RESÚMEN
| Tema | : | Kas di Kultura/Museo Tula i UNESCO Kòrsou a skohe e tema ‘Identidat kolektivo komo base pa desaroyo duradero i sostenibel , den kuadro di: · E proseso di konstrukshon di e nashon Kòrsou; · pa sigui desaroyá aktividatnan edukativo i di emansipashon. |
| Meta | : | Metanan inmediato: · reflehá i elaborá riba e pregunta ‘Kon ta promové i fortifiká identidat kolektivo komo base pa desaroyo duradero i sostenibel?’ Meta a largo plaso: · krea un programa kultural, soshal ku un agènda polítiko ku lo por ta un instrumento pa konstrukshon di un identidat kolektivo . |
| | : | E Konferensha lo konta ku presentashon di diferente oradó lokal i oradó djafó i diskushon a fondo (plenario i den grupo) tokante e presentashonnan. Tambe lo tin: · Un muraya di keho, di elogio i di rekomendashonnan tokante nos identidat kologá riba un muraya durante e Konferensha, · Lo tin un kamber ku ta pasa sine di Diáspora Afrikano durante henter e konferensha; · Tin un eksposishon di maskernan Afrikano. · Gruponan kultural · Algun libreria lo bende nan buki di Antiana/Karibiana. · Lo saka un evaluashon di e konferensha ku lo manda pa tur partisipante. |
| Idioma prinsipal | : | Papiamentu/ingles |
| Partisipashon | : | 600 persona lokal for di tur gremio |
| Entrada | : | Fl 35,- pa persona, ku ta inkluí un programa di informashon, te/kòfi, sine di diáspora afrikano, gruponan kultural musikal ,eksposishon di máskara Afrikano. |
| Produkto | : | Un relato final di e konferensha, ku lo sirbi komo input pa: tur esnan ku ta traha riba tereno di emansipashon di pueblo di Kòrsou. |
Sosten : E organisashon di e evento aki ta posibel ku e aporte finansiero di
gobièrnu di Kòrsou, den kuadro di konstrukshon di Pais Kòrsou.
KONFERENSHA Identidat kolektivo komo base pa desaroyo duradero i sostenibel.
KONFERENSHA Identidat kolektivo komo base pa desaroyo duradero i sostenibel.
11+ 12 i 13 di novèmber 2011
International School, Emmastad
KONVOKATORIO GENERAL
Kas di Kultura i Museo Tula den koperashon ku UNESCO Kòrsou ta invitá pueblo di Kòrsou pa partisipá den e promé konferensha ku e título ‘Identidat kolektivo: base pa desaroyo duradero i sostenibel’, dianan 11+12 i 13 di novèmber 2011, International School na Emmastad.
Meta di e konferensha
E Konferensha lo reflehá i elaborá riba e pregunta prinsipal ‘Kon ta promové i fortifiká identidat kolektivo komo base pa desaroyo sostenibel?
E metanan ta:
- Promové diskushon di e identidat kolektivo for di e perspektiva di un memoria kolektivo ku no sufisientemente ta konstruí, paso te ainda nos ta konfundí pa bèrgwensa tokante nos pasado di sklabitut;
- Promové diskushon di e identidat kolektivo for di e perspektiva di partisipashon demokrátiko di e pueblo pa por demandá su derechinan humano basá riba su nesesidatnan básiko;
- Promové diskushon tokante e tipo di edukashon di konosementu ku ta empoderá hende pa partisipá den konstrukshon di nan nashon i ku na mes momentu ta kibra ku e kultura di outo imágen negativo;
- Promové diskushon tokante identidat soshal ku ta hasi e pueblo agente aktivo pa e desaroyo duradero i sostenibel di nan pais.
- Promové diskushon tokante e tipo di komunikashon ku mester konstruí ku ta krea brùgnan pa konstrukshon di unidat den diversividat;
- Promové diskushon tokante kon move di un agènda soshal i kultural na un konsenshi polítiko ku un agènda polítiko.
Suptemanan
Komo parti di e tema prinsipal, ‘Kon ta promové i fortifiká identidat komo base pa desaroyo?’, lo trata e siguiente suptemanan.
E temanan di diskushon ta:
I. Kon nos por definí identidat kolektivo dentro di e kuadro di memoria kolektivo, suidadania
aktivo i diversividat kultural?
II. Dikon ta importante pa un nashon tin un identidat kolektivo den konstrukshon di un
desaroyo sostenibel?
III. Kon ta surpasá bèrgwensa kolektivo, e sikologia di ser víktima i diskriminashon rasial
basá riba un silensio tokante nos pasado di sklabitut?
IV. Ki tipo di edukashon nos mester krea ku ta fortifiká nos outo estima, outo konfiansa i outo
imágen di manera ku nos por duna un kontribushon na un desaroyo duradero i sostenibel?
V. Kua ta e historianan eksitoso di trabou emansipatorio na Kòrsou i den Karibe ku ta krea
orguyo di ken nos ta, tantu den nos historia, den nos kultura i konsekuentemente ta fortifiká e identidat kolektivo?
VI. Nos por krea un modelo di identidat kolektivo ku ta emansipatorio i partisipativo, basá riba e nesesidatnan básiko di un pueblo dentro di un kuadro di desaroyo duradero i sostenibel?
VII. Nos por move nos konsientisashon for di un nivel soshal i kultural na un konsientisashon
polítiko ku un agènda polítiko pa krea un desaroyo duradero i sostenibel?
VIII. Kon nos por promové un tipo di suidadano, ku no solamente konosé i ta defendé su
derechinan humano, pero tambe por defendé tambe esnan di otronan, inkluso nos planeta?
Banda di trata e suptemanan aki na un manera sistemátiko, e Konferensha lo buska kontesta riba e pregunta ‘Kiko nos por siña di eksperensha di otro paisnan den Caribe?’. Diferente oradó djafó lo presentá e kaso di nan pais den Karibe kontestando preguntanan manera: ‘Kon e pais aki a atendé den práktika ku konstrukshon di su identidat nashonal, kiko ta e aspektonan bon i ménos bon di e kaso (modelo) aki, kon e pais a sa di atendé ku sierto desafionan i kua tabata e faktor nan ku a kontribuí na éksito dentro di e kuadro di e 8 suptemanan.
Un otro faktor importante ta: kon e personanan aki ta kere ku nos mester dil ku e historia di sklabitut pa nos empoderá e pueblo di su pasado?
Kontakto pa mas informashon;
Sekretariado:
Email: sekretariado.idk@gmail.com
Facebook: Museo Tula
| Kas di Kultura | D T F E I | Koningin Wilhelminastraat 1, Skalo 434 7355 461 7133 |
| Museo Tula | D T E | Lanthùis Kenepa 888 6396/8640244 |
Fax: 8886506
INSKRIPSHON
E invitashon ta inkluí un formulario di inskripshon pa por registrá e partisipante. Ta pidi tur hende pa inskribí delantá, via faks, òf mail. E persona ku a inskribí ta haña di sekretariado un konfirmashon ku e ta registrá.
PROGRAMA
Djabièrnè 11 di novèmber
| 18.30 - 19.00 | Registrashon |
| 19.00 - 19.10 | Bin bini di moderadó |
| 19.10 - 19.20 | Apertura minister presidènt, sr. Gerrit Schotte |
| 19.20 - 19.30 | Palabra di Minister di Enseñansa, sr. Lionel Jansen |
| 19.30 - 19.45 | Muzik di Zumbi |
| 19.45 - 20.30 | Oradó di òrdu: dr. Kafka Kambon di Trinidad & Tobago |
| 20.30 - 20.40 | Preguntanan aklaratorio |
| 20.40 - 21.00 | Show kultural ; nos ta yora nos mortonan i aklamá nos viktorianan; bou di guia di dr. R. Rosalia |
| 21.00 - 22.00 | Resepshon |
Djasabra 12 di novèmber
| 8.30 - 9.00 | Yegada i registrashon. |
| 9.00 - 9.05 | Bon bini Moderadó |
| 9.05 - 9.35 | Presentashon tema 1: Kon nos por definí identidat kolektivo dentro di e kuadro di memoria kolektivo, suidanania aktivo i diversividat kultural? Dr. Natasha van der Dijs; Diskushon: |
| 9.35 - 10.05 | Presentashon tema 2: Dikon ta importante pa un nashon tin un identidat kolektivo den konstrukshon di un desaroyo sostenibel? Dr. Rosemarie Allen Diskushon |
| 10.05 - 10.20 | Pousa |
| 10.20 - 11.05 | Representante Unesco Transatlantic Slave Trade project-Unesco Diskushon |
| 11.05 - 11.50 | E importansia di reparashon komo parti di e historia di Komersio Transatlántiko i di sklabitut. Dr. Armand Zundert di Surnam Diskushon |
| 12.00 - 13.00 | Lunch |
| 13.00 - 13.30 | Presentashon suptema 3: Kon ta surpasá bèrgwensa kolektivo i e sikologia di ser víktima i diskriminashon rasial basa riba un silensio tokante nos pasado di sklabitut? Sra. Yomini Godfried Diskushon |
| 13.30 - 14.00 | Presentashon grupo di teatro “Grupo Kara” |
| 14.00 - 14.40 | Presentashon suptema 4: Ki tipo di edukashon nos mester krea ku ta fortifiká nos outo estuima outo konfiansa i outo imágen di manera ku nos por duna un kontribushon na un desaroyo sostenibel? Dr. Martha Dijkhoff + sra. Aisha Henriquez Diskushon |
| 15. 40 - 16.25 | Lèsnan di siña for di Barbados tokante edukashon pa krea nashon Dr. Richard Goodridge di Barbados Diskushon |
| 16.25 - 17.15 | Show Kultural; Karabela i grupo di baile |
| 19.00 - 21.00 | Mangusá di Idea: Preparashon pa rekordá 150 aña di abolishon di sklabitut + De- konstrukshon di sklabitut mental |
Djadumingu 13 Novèmber
| 9.00 - 9. 30 | Resúmen di dia 1+2.0 |
| 9.30 - 10.10 | Presentashon suptema 5: kua ta e historianan eksitoso di trabou emansipatorio na Kòrsou i den Karibe ku ta krea orguyo di ken nos ta, tantu den nos historia, den nos kultura i konsekuentemente ta fortifiká e identidat kolektivo? Sra. Jeanette Juliet-Pablo + sr. Erwin Rafaela |
| 10.10 - 10.50 | Presentashon suptema 6: Nos por krea un modelo di identidat kolektivo ku ta emansipatorio i partisipativo, basa riba e nesesidatnan básiko di un pueblo denter di un kuadro di desaroyo sostenibel? Drs. Su Girigorie Diskushon |
| 10.50 - 11.35 | Kiko lo mester ta e responsabilidat di gobièrnu Hulandes pa loke ta konserní e petishon di UNESCO pa “Kibra e Silensio? Dr. Alex van Stripiaan di Hulanda Diskushon |
| 11.35 - 12.05 | Presentashon suptema 7: Nos por move nos konsientisashon for di un nivel soshal i kultural na un konsientisashon polítiko ku un agènda polítiko pa krea un desaroyo duradero i sostenibel? Drs. Frank Quirindongo Diskushon |
| 12.05 - 13.05 | Lunch |
| 13.15 - 13.30 | Kontamentu di kuenta |
| 13.30 - 14.00 | Presentashon suptema 8: Kon nos por promové un tipo di suidadano, ku no solamente konosé i ta defendé su derechinan humano, pero tambe por defendé tambe esnan di otronan, inkluso nos planeta? Drs. Richinel Ansano Diskushon |
| 14.00 - 14.45 | Tribunal di Pueblo komo un metodologia pa defensa di derechinan humano Hues Juan Pablo Albornoz di Venezuela |
| 14.45 - 15.00 | Chiwewe |
| 15.00 - 15.15 | Pousa |
| 15.15 - 16.00 | Dekolonisashon di e mente kolonisá Drs. Sandew Hira di Sürnam Diskushon |
| 16.00 - 17.00 | Diskushon general Rekomendashonnan basa riba entrevista, i muraya di rekomendashon |
| 17.00 - 17.15 | Palabra di gratitut di Organisadónan |
| 17.15 - 18.00 | Gruponan Kultural; Trinchera, Kondjemba i Ambiente Kultural |
| | |
Pa inkripshon tuma kontakto ku:
Sue-Ellen Cijntje
Unidat di Komunikashon, Produkshon I Publisidat.
461-7357 // 527-4101
Saludo kordial,
Crisen Schorea
